ᓂᐢᑕᒼ ᐅᒪᓯᓇᐦᐊᒫᑫᐃᐧᐣ ᒐᐧᐣ
ᐃᐦᑭᑐᐃᐧᐣ ᑳᐱᒫᑎᓯᐃᐧᓂᐊᐧᐣᐠ
1
ᑭᑎᐹᒋᒧᑖᑰᓈᐋᐧ ᐃᐦᑭᑐᐃᐧᐣ ᑳᐱᒫᑎᓯᐃᐧᓂᐊᐧᐣᐠ, ᓂᓑᑕᒼ ᑳᐱᒫᒋ ᐊᐦᑮᐊᐧᐣᐠ, ᑳᑮᓅᐣᑕᒫᐣᐠ, ᓂᓑᑮᔑᑯᓈᐣ ᑎᐱᓇᐁᐧ ᑳᑮᐅᐣᒋ ᐋᐧᐸᒫᔮᐣᐠ, ᑳᑮᑲᓇᐋᐧᐸᒫᔮᐣᐠ ᒦᓇ ᑳᑮ ᓵᒥᓈᔮᐣᐠ. 2 ᑮᓈᑲᐧᐣ ᐃᐦᐃᐁᐧ ᐱᒫᑎᓯᐃᐧᐣ, ᓂᐣᑮ ᐋᐧᐸᐣᑖᒥᐣ ᒦᓇ ᑭᑎᐹᒋᒧᑖᑰᓈᐋᐧ ᑳᑭᑫ ᐱᒫᑎᓯᐃᐧᐣ ᐁᐦᐊᔮᐠ, ᑳᑮ ᐃᐧᒌᐃᐧᑯᐨ ᐅᑖᑖᒪᐣ, ᒦᓇ ᓂᑮᓈᑯᓯᑖᑯᓈᐣ. 3 ᑭᑎᐹᒋᒧᑖᑰᓈᐋᐧ ᐃᐦᐃᐁᐧ ᑳᑮᐋᐧᐸᐣᑕᒫᐣᐠ ᒦᓇ ᑳᑮᓅᐣᑕᒫᐣᐠ, ᐁᑲᐧ ᑫᑮᓇᐋᐧ ᒋᐃᐧᒋᐃᐧᔑᔮᐣᐠ. ᒦᓇ ᑳᐃᔑ ᐃᐧᒌᐋᐧᔮᐣᐠ ᐅᑖᑖᒥᒫ ᒦᓇ ᑲᔦ ᐅᑯᓯᓴᐣ ᒋᓴᐢ ᙭. 4 ᑭᒪᓯᓇᐦᐊᒫᑰᓈᐋᐧ ᐅᐦᐅᐁᐧ ᒋᐅᐣᒋ ᒥᓄᓭᔮᐣᐠ ᓂᒥᓈᐧᑕᒧᐃᐧᓂᓈᐣ. ᑭᔐᒪᓂᑑ ᐁᐋᐧᐦᑌᐃᐧᓂᐃᐧᐨ
5 ᒦᐦᐅᐁᐧ ᑎᐹᒋᒧᐃᐧᐣ ᑳᑮ ᓅᐣᑕᒪᐣᐠ ᐃᐧᐣ ᑎᐱᓇᐁᐧ ᒦᓇ ᑳᐄᐧᐣᑕᒫᑰᔦᐠ. ᑭᔐᒪᓂᑑ ᐁᐋᐧᐦᑌᐃᐧᓂᐃᐧᐨ, ᑳᐃᐧᐣ ᐊᐧᓃᑎᐱᐦᑳᓂ ᐅᑭᑭᓑᑳᑯᓰᐣ. 6 ᑮᓑᐱᐣ ᐃᐦᑭᑎᔭᐣᐠ ᐁᐃᐧᒌᐋᐧᔭᐣᐠ ᐁᑲᐧᑕᓑ ᐁᐃᔑ ᐱᒧᐦᓭᔭᐣᐠ ᐃᐦᐃᒫ ᑳᐃᔑ ᑲᓑᑮᑎᐱᐦᑳᐠ, ᑭᑲᑮᓇᐃᐧᓑᑮᒥᐣ ᒦᓇ ᑳᐃᐧᐣ ᑭᑎᔑ ᐱᒫᑎᓯᓰᒥᐣ ᑳᐃᓇᐦᑌᐠ ᑌᐯᐧᐃᐧᐣ. 7 ᑮᓑᐱᐣ ᐃᐦᐃᒫ ᐃᔑ ᐱᒧᐦᓭᔭᐣᐠ ᑳᐃᔑ ᐋᐧᓭᔮᐠ, ᑖᐱᓑᑰᐨ ᐊᐦᐊᐁᐧ ᐃᐦᐃᒫ ᑳᐊᔮᐨ ᑳᐃᔑ ᐋᐧᐦᓭᔮᓂᐠ, ᐁᒥᓄᐃᐧᒋᐃᐧᑎᔭᐣᐠ ᒦᓇ ᐅᒥᐢᑯ ᒋᓴᐢ, ᐅᑯᓯᐦᓴᐣ ᑭᐸᔭᑭᐦᐃᑰᒥᐣ ᑲᐦᑭᓇ ᑭᒪᒋᑑᑕᒧᐃᐧᓂᓈᐣ ᐅᐣᒋ.